|
Серафиму Саровскому
 О, пречудный
отче Серафиме, великий Саровский чудотворче, всем
прибегающим к тебе скоропослушный помошниче! Во дни земного жития твоего никтоже от тебя тощ
и неутешен отыде, но всем в сладость бысть видение лика твоего и
благоуветливый глас словес твоих. К сим же и дар исцелений, дар немощных
душ врачевания обилекн к тебе явися.
Егда же призва тя Бог от земных трудов у небесному упокоению, николиже
любы твоя преста от нас, и невозможно есть осчислити чудеся твоя,
умножившаяся, яко звезды небесныя; се бо по всем концам земли нашей людям
Божиим являешися и даруешь им исцеления. Тем же и мы вопием ти: о,
претихий и кроткий угодниче Божий, дерзновенный к Нему молитвинниче,
николиже призывающия тя отреваяй! Вознеси о нас благомощную твою молитву
ко Господу сил, да дарует нам вся благотребная в жизни сей и вся к
душевному спасению полезная, да оградит нас от нападений греховных и
истинному покаянию да научит нас, во еже беспреткновенно внити нам в
Вечное небесное Царство, идеже ты ныне в незаходимей сияеши славе, и тамо
воспевати со всеми святыми Живоначальную Троицу во веки веков. Аминь.
|
